Qeveria Rama përcakton premiot për arritjet e sportistëve

15 Nëntor, 2018 60 Pa Komente

Në mbledhjen e qeverisë së kësaj mesjave, u përcaktuan shpërblimet financiare për sportistët në rast të arritjes së rezultateve të larta si në Shqipëri dhe në garat ndërkombëtare.

Gjithsej janë përcaktuar 7 kategori sportistësh, që do të vlerësohen në rast të rezultateve të spikatura apo medaljeve.

“Sportistët që kanë arritur rezultate të larta në aktivitete kombëtare apo ndërkombëtare, sipas përcaktimeve të këtij vendimi, konsiderohen sportistë të nivelit të lartë dhe gëzojnë status e trajtim të veçantë, sipas përcaktimeve të bëra në këtë vendim”, thuhet mes të tjerave në vendimin e qeverisë.

Mes atyre që do të përfitojnë bonuse dhe trajtime ushqimore e financiare janë ata që thyejnë rekorde, olimpike apo europiane dhe botërore. Do të përfitojnë gjithashtu, ata protagonistë që renditen nga vendi i parë deri në vendin e tetë në Lojërat Olimpike, si dhe nga vendi i parë deri në të 6 në Botëror.