Bayern kërkon të blejë përfundimisht kartonin e kolumbianit

27 Shtator, 2018 32 Pa Komente

Bayern Munchen është gati të bëjë mesfushorin kolumbian, James Rodriguez, një lojtar 100% bavarez. 27-vjeçari u huazua në verën e vitit 2017 për dy sezone nga Real Madrid me të drejtën e blerjes dhe tani drejtuesit duan ta konkretizojnë blerjen e kolumbianit për 42 milionë euro. Ata kanë thirrur menaxherin e famshëm, Jorge Mendes, për të diskutuar një operacion të tillë dhe për ta mbyllur këtë çështje përpara muajit dhjetor, teksa blerja e fantazistit nga Real Madrid do të shoqërohet edhe me një kontratë të re deri në vitin 2023.